ಪುತ್ತೂರು: ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಶನ್ ಪುತ್ತೂರು ವಲಯಕ್ಕೆ ಅತ್ಯುತ್ತಮ ವಲಯ ಪ್ರಶಸ್ತಿ – ಕಹಳೆ ನ್ಯೂಸ್
ಪುತ್ತೂರು: ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಶನ್ (ರಿ.) ದ.ಕ ಜಿಲ್ಲೆ, ಉಡುಪಿ ಜಿಲ್ಲೆ ಇದರ 32 ವಾರ್ಷಿಕ ಸಭೆಯು ಮಂಗಳೂರು ಪುರಭವನದಲ್ಲಿ ನಡೆಯಿತು. 14 ವಲಯಗಳಿಗೆ ವಾರ್ಷಿಕ ವರದಿಗೆ ಮಾಡಿರುವ ಕಾರ್ಯಕ್ರಮಕ್ಕೆ ಅತ್ಯುತ್ತಮ ವಲಯ ಪೈಪೋಟಿ ಇದ್ದು ಪುತ್ತೂರು ವಲಯಕ್ಕೆ ಅತ್ಯುತ್ತಮ ತೃತೀಯ ಬಹುಮಾನ ಲಭಿಸಿದೆ. ಅಧ್ಯಕ್ಷ ನಾಗೇಶ್ ಟಿಎಸ್ ಕೆಮ್ಮಾಯಿ ಬಹುಮಾನವನ್ನು ಸ್ವೀಕರಿಸಿದ್ರು. ಜಿಲ್ಲಾಧ್ಯಕ್ಷರಾದ ಆನಂದ ಎನ್ ಬಂಟ್ವಾಳ ಪ್ರಶಸ್ತಿ ನೀಡಿ ಗೌರವಿಸಿದರು. ಕಾರ್ಯದರ್ಶಿ ಪ್ರಮೋದ್ ಸಾಲ್ಯಾನ್ ಗೌರವಾಧ್ಯಕ್ಷ ಹರೀಶ್ ಪುಣಚ, ಕೋಶಾಧಿಕಾರಿ ಗಿರಿಧರ ಭಟ್, ಸುದರ್ಶನ್ ರಾವ್, ಸುಧಾಕರ ಶೆಟ್ಟಿ ಮಿತ್ತೂರು, ಜಿಲ್ಲಾ ಕಾರ್ಯದರ್ಶಿ ನಿತಿನ್, ಹಾಗೂ ಪುತ್ತೂರು ವಲಯದ ಎಲ್ಲಾ ಸದಸ್ಯರು ಉಪಸ್ಥಿತರಿದ್ದರು. ರಕ್ತದಾನ ಶಿಬಿರ, ಪ್ರಜ್ಞಾ ವಿಶೇಷ ಮಕ್ಕಳ ಕೇಂದ್ರಕ್ಕೆ ನೆರವು, ಛಾಯಾಗ್ರಾಹಕರಿಗೆ ಜಿಲ್ಲಾ ಮಟ್ಟದ ಕಿರುಚಿತ್ರ ಸ್ಪರ್ಧೆ, ಕೆಸರುಗದ್ದೆ ಕ್ರೀಡಾಕೂಟ, ಛಾಯಾಗ್ರಾಹಕರಿಗಾಗಿ ತರಬೇತಿ ಶಿಬಿರ, ಸದಸ್ಯರ ಮಕ್ಕಳಿಗೆ ಪ್ರತಿಭಾ ಪುರಸ್ಕಾರ, ಸದಸ್ಯರ ತುರ್ತು ಚಿಕಿತ್ಸಾ ಖರ್ಚಿಗೆ ಧನಸಹಾಯ, ತ್ರಿವರ್ಣಧ್ವಜ ವಿತರಣೆ, ರಕ್ಷಾಬಂಧನ ಕಾರ್ಯಕ್ರಮ ಹೀಗೆ ಈ ವರ್ಷ ಹಲವಾರು ಯಶಸ್ವಿ ಕಾರ್ಯಕ್ರಮಗಳಿಗಾಗಿ ವಲಯ ಪ್ರಶಸ್ತಿ ಲಭಿಸಿದೆ.
