ರೊಮ್ಯಾಂಟಿಕ್ ಹಾಡಿಗೆ ರೂಪೇಶ್ ಜೊತೆ ರೀಲ್ಸ್ ಮಾಡಿದ ಕಾವ್ಯಶ್ರೀ..! : ಹಾಡು ಬದಲಾಯಿಸಿ ಎಂದು ಕಮೆಂಟ್ ಮಾಡಿದ ಫ್ಯಾನ್ಸ್..!–ಕಹಳೆ ನ್ಯೂಸ್
ಬಿಗ್ಬಾಸ್ ಸೀಸನ್ 9 ಸಖತ್ತಾಗಿ ನಡೆದಿದೆ. ಇದರಲ್ಲಿ ಪ್ರವೀಣರೂ ನವೀನರೂ ಸೇರಿ ಅವರ ನಡುವಿನ ಸ್ಪರ್ಧೆ, ಆಟ ಎಲ್ಲವೂ ತುಂಬಾ ಚೆನ್ನಾಗಿ ಮೂಡಿಬಂದಿತ್ತು. ಇದಕ್ಕೆ ಕನ್ನಡ ಪ್ರೇಕ್ಷಕರು ಕೂಡಾ ಫಿದಾ ಆಗಿದ್ದರು. ರೂಪೇಶ್ ಶೆಟ್ಟಿ ಬಿಗ್ಬಾಸ್ ಮನೆಯೊಳಗೆ ಎಲ್ಲರೊಂದಿಗೆ ಕ್ಲೋಸ್ ಆಗಿದ್ದರು.
ಹಾಗೆಯೇ ಮಂಗಳ ಗೌರಿ ಮದುವೆ ಧಾರವಾಹಿ ಖ್ಯಾತಿಯ ಕಾವ್ಯಶ್ರೀ ಗೌಡ ಅವರೂ ಬಿಗ್ಬಾಸ್ ಮನೆಗೆ ಹೋಗಿ ಪ್ರೇಕ್ಷಕರಿಂದ ಮೆಚ್ಚುಗೆಯನ್ನು ಗಳಿಸಿದರು. ಇದೀಗ ಬಿಗ್ಬಾಸ್ ಸೀಸನ್ ಮುಗಿದು ರೂಪೇಶ್ ಶೆಟ್ಟಿ ಕಪ್ ಗೆದ್ದುಕೊಂಡು ಹೊರಬಂದಿದ್ದಾರೆ. ಗೇಮ್ ಮುಗಿದ ನಂತರ ಈಗ ಸೀಸನ್ನ ಸ್ಪರ್ಧಿಗಳು ಹಲವೆಡೆ ಭೇಟಿಯಾಗುತ್ತಿದ್ದಾರೆ.
ಬಿಗ್ಬಾಸ್ ಖ್ಯಾತಿಯ ಕಾವ್ಯಶ್ರೀ ಗೌಡ ಹಾಗೂ ರೂಪೇಶ್ ಶೆಟ್ಟಿ ಜೊತೆಯಾಗಿ ರೀಲ್ಸ್ ಮಾಡಿದ್ದು ಅವರ ರೀಲ್ಸ್ ಇನ್ಸ್ಟಾಗ್ರಾಮ್ನಲ್ಲಿ ವೈರಲ್ ಆಗಿದೆ. ಅವರ ಅಭಿಮಾನಿಗಳು ವಿಡಿಯೋ ನೋಡಿ ಮೆಚ್ಚಿಕೊಂಡಿದ್ದಾರೆ.
ಕಾವ್ಯಶ್ರೀ ಗೌಡ ಹಾಗೂ ರೂಪೇಶ್ ಶೆಟ್ಟಿ ಅವರೂ ಕೂಡಾ ಒಂದು ಕಡೆಯಲ್ಲಿ ಭೇಟಿಯಾಗಿದ್ದು ಅವರು ಜೊತೆಯಾಗಿ ಕನ್ನಡ ಸಾಂಗ್ ಒಂದಕ್ಕೆ ರೀಲ್ಸ್ ಕೂಡಾ ಮಾಡಿದ್ದಾರೆ.
ಆದರೆ ರೊಮ್ಯಾಂಟಿಕ್ ಹಾಡಿಗೆ ಕಾವ್ಯಶ್ರೀ ಅವರು ರೂಪೇಶ್ ಶೆಟ್ಟಿ ಜೊತೆ ರೀಲ್ಸ್ ಮಾಡಿದ್ದು ನೆಟ್ಟಿಗರಿಗೆ ಮಾತ್ರ ಇಷ್ಟ ಆಗಿಲ್ಲ. ರೂಪೇಶ್ ಶೆಟ್ಟಿ ಜೊತೆ ಸಾನ್ಯಾ ಐಯ್ಯರ್ ಮಾತ್ರ ರೊಮ್ಯಾಂಟಿಕ್ ಆಗಿರಬೇಕು ಎಂದು ಹಾಡು ಬದಲಾಯಿಸಿ ಎಂದು ಕಮೆಂಟ್ ಮಾಡುತ್ತಿದ್ದಾರೆ.
