ಇಡೀ ದೇಶದಲ್ಲೇ ಸದ್ದು ಮತ್ತು ಸುದ್ದಿ ಮಾಡಿದ್ದ ಕನ್ನಡದ ಹೆಮ್ಮೆಯ ಸಿನಿಮಾ ಕಾಂತಾರದ ಬಗ್ಗೆ ಹೊಸ ಅಪ್ಡೇಟ್‌ನ್ನ ಡಿವೈನ್ ಸ್ಟಾರ್ ರಿಷಬ್ ಶೆಟ್ಟಿ ನೀಡಿದ್ದಾರೆ. ಕಾಂತಾರ ನೆಕ್ಟ್ಸ್ ಪಾರ್ಟ್ ಬಗ್ಗೆ ತಿಳಿಸಿದ್ದಾರೆ.
ಕಾಂತಾರ ಸಿನಿಮಾವನ್ನ ದೇಶದ ವಿವಿಧ ಚಿತ್ರರಂಗಗಳು ಮೆಚ್ಚಿಕೊಂಡಾಡಿದೆ. ಅಷ್ಟೇ ಅಲ್ಲದೆ ವಿದೇಶದಿಂದಲೂ ಸಕತ್ ರೆಸ್ಪಾನ್ಸ್ ಪಡೆದು ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆದ ಸಿನಿಮಾ ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿದೆ. ಕಾಂತಾರ ನೋಡಿದ ಜನ ಕಾಂತಾರ 2 ಯಾವಾಗ ಬರುತ್ತೆ ಅಂತ ಪದೇ ಪದೆ ಕೇಳ್ತಾ ಕಾಯ್ತಾ ಇದ್ದಾರೆ. ಕಾಂತಾರ ಪಾರ್ಟ್ 2 ಬರುವುದಾಗಿ ಆದರೀಗ ಕಾಂತಾರ ಪ್ರೀಕ್ವೆಲ್ ತೆರೆಗೆ ಬರುವ ಬಗ್ಗೆ ಶೆಟ್ರು ಮಾತನಾಡಿದ್ದಾರೆ.
ಕಾಂತಾರ ಸಿನಿಮಾದ ಶತದಿನೋತ್ಸವದ ಅಂಗವಾಗಿ ಚಿತ್ರತಂಡ ಕಾರ್ಯಕ್ರಮವನ್ನು ಹಮ್ಮಿಕೊಂಡಿತ್ತು. ಹೊಂಬಾಳೆ ಫಿಲಂಸ್ ಕಡೆಯಿಂದ ಕಾಂತಾರ ಸಕ್ಸಸ್ ಸಂಭ್ರಮವನ್ನ ಬೆಂಗಳೂರಿನ ಬಂಟರ ಸಂಘ ಭವನದಲ್ಲಿ ಏರ್ಪಡಿಸಲಾಗಿತ್ತು. ಈ ಕಾರ್ಯಕ್ರಮದಲ್ಲಿ ಕಾಂತಾರ ಶಿವ ರಿಷಬ್ ಶೆಟ್ಟಿ ಕಾಂತಾರದ ಮುಂದಿನ ಅಪ್ಡೇಟ್ ಬಗ್ಗೆ ಮಾತಾನಾಡಿದ್ದಾರೆ.
ಕಾರ್ಯಕ್ರಮ ಉದ್ದೇಶಿಸಿ ಮಾತನಾಡಿದ ರಿಷಬ್, ನೀವು ಈಗಾಗಲೇ ನೋಡಿದ್ದು ಕಾಂತಾರ ಪಾರ್ಟ್ 2 ಸಿನೇಮಾ.. ಮುಂದೆ ಬರೋದು ಕಾಂತಾರ ಪಾರ್ಟ್ 1 ಎಂದು ಹೇಳಿದ್ದಾರೆ. ಈ ಮೂಲಕ ಮತ್ತೆ ಕುತೂಹಲ ಹೆಚ್ಚಿಸಿದ್ದಾರೆ. ಸಿನಿಮಾದ ಗೆಲುವಿಗೆ ಕಾರಣರಾದ ಪ್ರತಿಯೊಬ್ಬರಿಗೂ ಧನ್ಯವಾದ ಸಮರ್ಪಿಸಿದ್ದಾರೆ.
ಸಿನಿಮಾಕ್ಕಾಗಿ ದುಡಿದ ತಂತ್ರಜ್ಞರು, ಕಲಾವಿದರು ಹಾಗೂ ವಿತರಕರಿಗೆ ನೆನಪಿನ ಕಾಣಿಕೆ ನೀಡುವ ಮೂಲಕ ಔತಣ ಕೂಟ ಏರ್ಪಡಿಸಲಾಗುಲಿತ್ತು.
