ನಟಿ ಪವಿತ್ರ ಲೋಕೇಶ್ ಅಧಿಕೃತವಾಗಿ ತೆಲುಗು ನಟ ನರೇಶ್ ನಡುವೆ ಬಹಳ ಹಿಂದಿನಿಂದಲೂ ಲವ್ವಿ ಡವ್ವಿ ಇದ್ದು ಭಾರಿ ಸುದ್ದಿ ಮಾಡಿತ್ತು. ಈ ನಡುವೆ 62 ವರ್ಷದ ನರೇಶ್ ಹಾಗೂ 43 ವರ್ಷದ ಪವಿತ್ರಾ ಲೋಕೇಶ್ ಮದುವೆಯಾಗಿದ್ದರು. ಆದ್ರೆ ಇದು ನಿಜವಾದ ಮದುವೆಯಲ್ಲ ಸಿನೆಮಾ ಪ್ರಚಾರದ ಗಿಮಿಕ್ ಅನ್ನೋದು ಬಯಲಾಗಿದೆ.
ನರೇಶ್-ಪವಿತ್ರಾ ಇಬ್ಬರು ಲಿಪ್‌ಕಿಸ್ ಮಾಡ್ತಿದ್ದ ವಿಡಿಯೋ ವೈರಲ್ ಆಗಿತ್ತು. ಹಲ್‌ಹಲ್ ಎಬ್ಬಿಸಿತ್ತು. ರೀಸೆಂಟ್ ಆಗಿ ಮದುವೆ ಕೂಡ ಮಾಡಿಕೊಂಡಿದ್ದರು. ಇದನ್ನೆಲ್ಲ ನೋಡಿ ನರೇಶ್-ಪವಿತ್ರಾ ನಿಜವಾಗಲೂ ಮದುವೆಯಾಗಿಯೇ ಬಿಟ್ರಾ..? ನರೇಶ್ ತನ್ನ ಮೊದಲ ಪತ್ನಿ ರಮ್ಯಾ ರಘುಪತಿ ಅವರಿಂದ ವಿಚ್ಛೇದನ ಪಡೆದುಕೊಂಡಿದ್ದಾರಾ.? ಎಂದೆಲ್ಲ ಹಲವು ಪ್ರಶ್ನೆಗಳು ಸದ್ದು ಮಾಡಿತ್ತು.. ಆದ್ರೆ ಮದುವೆ ಅನ್ನೋ ವಿಚಾರ ವೈರಲ್ ಆಗಿದ್ದು ಸಿನಿಮಾ ಪ್ರಚಾರಕ್ಕೆ ಅನ್ನೋ ವಿಷಯ ಬಯಲಾಗಿದೆ.
ಪವಿತ್ರಾ-ನರೇಶ್ ಅಭಿನಯದ ಚಿತ್ರದ ಟೈಟಲ್ ಪೋಸ್ಟರ್ ಅಧಿಕೃತವಾಗಿ ಬಿಡುಗಡೆಯಾಗಿದ್ದು, ಈ ಸಿನಿಮಾಗೆ ‘ಮತ್ತೆ ಮದುವೆ’ ಎಂದು ಹೆಸರಿಡಲಾಗಿದೆ. ಎಂ.ಎಸ್. ರಾಜು ಕಥೆ-ಚಿತ್ರಕಥೆ ಬರೆದು ಆಕ್ಷನ್ ಕಟ್ ಹೇಳಿದ್ರೆ ಖುದ್ದು ನರೇಶ್ ಅವರೇ ವಿಜಯ ಕೃಷ್ಣ ಮೂವೀಸ್ ಬ್ಯಾನರ್‌ನಡಿ ಈ ಚಿತ್ರ ನಿರ್ಮಾಣ ಮಾಡಿದ್ದಾರೆ. ತೆಲುಗು ಮತ್ತು ಕನ್ನಡದಲ್ಲಿ ಈ ಸಿನಿಮಾ ತಯಾರಾಗಿದ್ದು, ತೆಲುಗಿನಲ್ಲಿ ‘ಮಳ್ಲಿ ಪೆಳ್ಳಿ’ ಅಂತ ಟೈಟಲ್ ಫಿಕ್ಸ್ ಆಗಿದೆ.
ರಮ್ಯಾ ರಘುಪತಿ ಅವರಿಂದ ನಟ ನರೇಶ್ ವಿಚ್ಛೇದನ ಪಡೆದಿಲ್ಲ. ಆ ಕಡೆ ಕೋರ್ಟ್ನಲ್ಲಿ ನರೇಶ್ ಮತ್ತು ರಮ್ಯಾ ಇಬ್ಬರು ಕೇಸ್ ದಾಖಲಿಸಿ ಕಾನೂನು ಸಮರ ನಡೆಸ್ತಿದ್ದಾರೆ. ಹಾಗಾಗಿ, ನರೇಶ್-ಪವಿತ್ರಾ ಮದುವೆ ಪ್ರಚಾರ ಬರೀ ಸಿನಿಮಾಗೆ ಸೀಮತವಾಯ್ತಷ್ಟೇ ಎನ್ನಲಾಗಿದೆ. ‘ಮತ್ತೆ ಮದುವೆ’ ಸಿನಿಮಾ ಏಪ್ರಿಲ್ ಅಥವಾ ಮೇ ತಿಂಗಳಲ್ಲಿ ತೆರೆಗೆ ಬರಲಿದೆ. ಈ ನಡುವೆ ಸಿನೆಮಾ ಪ್ರಚಾರ ಹಿಂಗೂ ಮಾಡ್ತಾರಾ ಅನ್ನೋ ಮಾತುಗಳು ಸದ್ದು ಮಾಡ್ತಾ ಇದೆ.
