ಕಾಸರಗೋಡು: ಪ್ರಯಾಣಿಕನೋರ್ವನಿಗೆ ಪ್ರಜ್ಞೆ ತಪ್ಪಿಸಿ ಚಿನ್ನ- ನಗದು ದರೋಡೆ ಗೈದ ಘಟನೆ ರೈಲಿನಲ್ಲಿ ನಡೆದಿದೆ. ಮುಂಬೈ ಯಿಂದ ಊರಿಗೆ ರೈಲಿನಲ್ಲಿ ಬರುತ್ತಿದ್ದ ಮರಳುತ್ತಿದ್ದ ಪಾಲಕ್ಕಾಡ್ ನ ಅರುಣ್ ಎಂಬವರು ದರೋಡೆಗೊಳಗಾದವರು.
ಉದ್ಯೋಗ ಹುಡುಕಿಕೊಂಡು ಕೆಲ ದಿನಗಳ ಹಿಂದೆ ಅರುಣ್ ಮುಂಬೈ ಗೆ ತೆರಳಿದ್ದು , ಕೆಲಸ ಸರಿಯಾದಾಗ ಹಿನ್ನಲೆಯಲ್ಲಿ ಹಾಪಾ ಎಕ್ಸ್ ಪ್ರೆಸ್ ರೈಲಿನಲ್ಲಿ ಮರಳುತ್ತಿದ್ದಾಗ ಘಟನೆ ನಡೆದಿದೆ.
ರೈಲಿನಲ್ಲಿ ಹಿಂದಿ ಮಾತನಾಡುವ ಪ್ರಯಾಣಿಕನೋರ್ವ ಪರಿಚಯವಾಗಿದ್ದು, ದಾರಿ ಮಧ್ಯೆ ಈತ ಬಿಸ್ಕೆಟ್ ನೀಡಿದ್ದು , ಅದನ್ನು ಸೇವಿಸಿದ ಬಳಿಕ ಪ್ರಜ್ಞೆ ತಪ್ಪಿದ್ದು , ಇಂದು ಬೆಳಿಗ್ಗೆ ಕಾಸರಗೋಡಿಗೆ ತಲುಪಿದಾಗ ಪ್ರಜ್ಞೆ ಮರಳಿತ್ತು ಎಂದು ಅರುಣ್ ತಿಳಿಸಿದ್ದಾರೆ.
ದೇಹದಲ್ಲಿದ್ದ ಒಂದೂವರೆ ಪವನ್ ಚಿನ್ನಾಭರಣ , ಎರಡು ಸಾವಿರ ರೂ . ನಗದು , ಎಟಿಎಂ ಕಾರ್ಡ್ ಮೊದಲಾದವು ಒಳಗೊಂಡ ಪರ್ಸ್ ನ್ನು ದರೋಡೆ ಮಾಡಲಾಗಿದೆ.
ಕಾಸರಗೋಡು ನಿಲ್ದಾಣದಲ್ಲಿ ರೈಲ್ವೆ ಪೊಲೀಸರಿಗೆ ಅರುಣ್ ಮಾಹಿತಿ ನೀಡಿದ್ದು , ಬಳಿಕ ಪೊಲೀಸರು ಕಾಸರಗೋಡು ಜನರಲ್ ಆಸ್ಪತ್ರೆಗೆ ದಾಖಲಿಸಿದ್ದಾರೆ.
