ಪುತ್ತೂರು : ಸಾಧನೆಗೆ ಅತೀ ಮುಖ್ಯವಾದದ್ದು ಸ್ಪಷ್ಟಗುರಿ. ಜೀವನದಲ್ಲಿಏನನ್ನಾದರೂ ಸಾಧಿಸಬೇಕಾದರೆ ಮೊದಲು ನಾವು ನಮ್ಮ ವ್ಯಕ್ತಿತ್ವವನ್ನು ಬೆಳೆಸಿಕೊಳ್ಳಬೇಕು ಅದರ ಮೇಲೆ ನಮ್ಮಜೀವನದ ಗೆಲುವು ಅವಲಂಬಿತವಾಗಿರುತ್ತದೆ. ನಮ್ಮಜೀವನದಲ್ಲಿ ಧನಾತ್ಮಕವಾಗಿ ಚಿಂತಿಸುವುದನ್ನು ರೂಢಿಸಿಕೊಳ್ಳುವುದು ಅತ್ಯವಶ್ಯಕ. ಹಾಗಾಗಿ ವಿದ್ಯಾರ್ಥಿದೆಸೆಯಲ್ಲಿಯೇ ನಾವು ವೃತ್ತಿಯ ಬಗೆಗೆ ಯೋಚಿಸಬೇಕು. ಪದವಿ ಪಡೆಯುತ್ತಿರುವ ವಿದ್ಯಾರ್ಥಿಗಳು ತಮ್ಮ ಕಲಿಕಾ ಸಮಯದಲ್ಲಿ ಇಂಟರ್ನ್ ಶಿಪ್ , ಪ್ರಮಾಣ ಪತ್ರಕೋರ್ಸ್ ಗಳು ಮುಂತಾದವುಗಳಲ್ಲಿ ಪರಿಣಿತಿಯನ್ನು ಪಡೆದರೆ ಮುಂದಿನ ವೃತ್ತಿಜೀವನದಲ್ಲಿ ಉಜ್ವಲವಾದ ಯಶಸ್ಸನ್ನುಕಾಣಬಹುದು. ಎಂದು. ಎನ್.ಎ.ಎಂ. ಎಫ್.ಐ ನೊಂದಾಯಿತ ಮ್ಯೂಚುವಲ್ ಫಂಡ್ ವಿತರಕರಾದ ಶ್ರೀ ವಿನೋದ್‌ಕುಮಾರ್ ಹೇಳಿದರು.
ಇವರು ಪುತ್ತೂರಿನ ವಿವೇಕಾನಂದಕಾಲೇಜು ಕಲಾ,ವಿಜ್ಞಾನ ಮತ್ತು ವಾಣಿಜ್ಯ ಮಹಾವಿದ್ಯಾಲಯ (ಸ್ವಾಯತ್ತ )ದ ವಾಣಿಜ್ಯ ವಿಭಾಗ ಹಾಗೂ ಐಕ್ಯೂಎಸಿ ಸಹಯೋಗದಲ್ಲಿ ಆಯೋಜಿಸಿದ ಆರೋಹಣ 2023 ಎನ್ನುವ ಫೆಸ್ಟ್ ನಲ್ಲಿ ಮುಖ್ಯಅತಿಥಿಯಾಗಿ ಭಾಗವಹಿಸಿ ಮಾತನಾಡಿದರು.
ಈ ಸಂದರ್ಭದಲ್ಲಿಕಾಲೇಜಿನ ಪ್ರಾಂಶುಪಾಲ ಪ್ರೊ. ವಿಷ್ಣುಗಣಪತಿ ಭಟ್ ಮಾತನಾಡಿ ನಮ್ಮ ಕಲಿಕಾ ಸಮಯವನ್ನು ವ್ಯರ್ಥ ಮಾಡಬಾರದು. ವಿದ್ಯಾರ್ಥಿಜೀವನದಲ್ಲಿ ಏನನ್ನಾದರೂ ಸಾಧಿಸಿ ಯಶಸ್ಸುಕಂಡಾಗ ಮಾತ್ರ ವಿದ್ಯಾರ್ಥಿಜೀವನಕ್ಕೆ ಸಾರ್ಥಕತೆದೊರೆಯುವುದುಎಂದು ನುಡಿದರು.
ಜೀವನದಲ್ಲಿ ನಮಗೆ ಸಾಕಷ್ಟು ಅವಕಾಶಗಳು ಸಿಗುತ್ತಿರುತ್ತವೆ. ಬೇರೆ ಬೇರೆರೀತಿಯ ಸ್ಪರ್ಧೆಗಳು ನಮ್ಮಜೀವನದಲ್ಲಿ ಬರುತ್ತವೆ. ನಾವು ಯಾಕೆ ಸ್ಪರ್ಧೆಗಳಲ್ಲಿ ಭಾಗವಹಿಸಬೇಕು ಎಂದುಯೋಚಿಸುವುದಾದರೆ ಮುಂದೆಜೀವನಎನ್ನುವ ಪರೀಕ್ಷೆಯನ್ನುಗೆಲ್ಲಲುಇಂತಹ ಸ್ಪರ್ಧೆಗಳು ಕಾರಣವಾಗುತ್ತದೆ.
ವಿದ್ಯಾರ್ಥಿಗಳು ಮಾಡುವತಪ್ಪುಏನೆಂದರೆ ನಿರ್ದಿಷ್ಟಗುರಿಯನ್ನು ಸಿದ್ದಪಡಿಸಿಕೊಂಡಿರುವುದಿಲ್ಲ. ನಾವು ಒಂದು ನಿರ್ದಿಷ್ಟಗುರಿಯನ್ನು ನಿಗದಿಪಡಿಸಿಕೊಂಡು ಆ ನಿಟ್ಟಿನಲ್ಲಿ ಸಾಗಬೇಕು. ಆ ಗುರಿಯನ್ನುತಲುಪಲು ಬೇಕಾದತಯಾರಿ ನಡೆಸಲು ಈಗಾಗಲೇ ಪರಿಶ್ರಮ ಪಡಬೇಕುಎಂದು ಸಮಾರೋಪ ಸಮಾರಂಭದ ಮುಖ್ಯಅತಿಥಿಯಾಗಿ ಭಾಗವಹಿಸಿದ ಯೂಟ್ಯೂಬರ್ ಶರಣ್‌ಚಿಲಿಂಬಿ ಅಭಿಪ್ರಾಯ ವ್ಯಕ್ತಪಡಿಸಿದರು.
ಈ ಸಂದರ್ಭದಲ್ಲಿ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿಕೊಂಡ ಕಾಲೇಜಿನ ಆಡಳಿತ ಮಂಡಳಿಯ ಅಧ್ಯಕ್ಷ ಪ್ರೊ. ಶ್ರೀಪತಿ ಕಲ್ಲೂರಾಯ ಮಾತಮಾಡಿ, ವಿದ್ಯಾರ್ಥಿಜೀವನದಲ್ಲಿ ಸಮಯ ಪಾಲನೆ ಅತ್ಯಂತ ಮುಖ್ಯವಾದದ್ದು. ವಿದ್ಯಾರ್ಥಿಗಳು ಪ್ರಯೋಗಾತ್ಮಕವಾಗಿಚಿಂತನೆಯನ್ನು ನಡೆಸಬೇಕು. ಸಂವಹನ, ಸಮಯಪ್ರಜ್ಞೆ ಹಾಗೂ ವಿವಿಧ ಕೌಶಲ್ಯಗಳು ಜೀವನದಲ್ಲಿಅತೀ ಮುಖ್ಯವಾದದ್ದು. ಜೊತೆಗೆ ನಮಗೆ ಯಾವ ವಿಷಯದಕುರಿತು ಹೆಚ್ಚಿನ ಆಸಕ್ತಿ ಹಾಗೂ ಹಿಡಿತಇರುತ್ತದೆಯೋಅದರಕಡೆಗೆ ಹೆಚ್ಚು ಹೆಚ್ಚು ಒತ್ತನ್ನು ವಿದ್ಯಾರ್ಥಿಗಳು ನೀಡಬೇಕುಎಂದು ನುಡಿದರು.
ವೇದಿಕೆಯಲ್ಲಿ ಆಡಳಿತ ಮಂಡಳಿಯ ಸಂಚಾಲಕ ಮುರಳಿ ಕೃಷ್ಣಕೆ.ಎನ್, ಬಂಟ್ವಾಳದ ಕಾರ್ಮೆಲ್ ಸಂಯುಕ್ತ ಪಿಯುಕಾಲೇಜ್ ಮೋಡಂಕಾಪುಇಲ್ಲಿನಉಪನ್ಯಾಸಕ ಸುಶೀತ್, ಐಕ್ಯೂಎಸಿ ಘಟಕದ ಸಂಯೋಜಕ ಪ್ರೊಫೆಸರ್ ಶಿವಪ್ರಸಾದ್ ಕೆ. ಎಸ್, ಆಡಳಿತ ಮಂಡಳಿಯ ವಿಶೇಷಅಧಿಕಾರಿ ಹಾಗೂ ಇತಿಹಾಸ ವಿಭಾಗದ ಮುಖ್ಯಸ್ಥಡಾ. ಶ್ರೀಧರ್ ನಾಯಕ್, ವಾಣಿಜ್ಯ ವಿಭಾಗದ ಮುಖ್ಯಸ್ಥೆಡಾ. ರವಿ ಕಲಾ, ತೃತೀಯ ವಾಣಿಜ್ಯ ವಿಭಾಗದ ವಿದ್ಯಾರ್ಥಿಆನಂದ್ ಜಿ.ಪ್ರಭು ಉಪಸ್ಥಿತರಿದ್ದರು.
