ನಾನು ಹಿಂದೂ ಎನ್ನಲು ಹೆಮ್ಮೆಪಡುತ್ತೇನೆ, ಪಿಎಂ ಮೋದಿ ಬಗ್ಗೆ ಅಪಾರ ಗೌರವ ಇದೆ : ಬ್ರಿಟನ್ ಪ್ರಧಾನಿ ರಿಷಿ ಸುನಕ್ ಮಾತು – ಕಹಳೆ ನ್ಯೂಸ್

ಜಿ20 ಶೃಂಗಸಭೆಯಲ್ಲಿ ಭಾಗವಹಿಸಲು ಬ್ರಿಟನ್ ಪ್ರಧಾನಿ ರಿಷಿ ಸುನಕ್ ಶುಕ್ರವಾರ ಭಾರತಕ್ಕೆ ಆಗಮಿಸಿದ್ದಾರೆ. ಎಎನ್‌ಐ ಜೊತೆ ಮಾತನಾಡಿದ ಅವರು, ಹಿಂದೂ ಧರ್ಮದೊಂದಿಗಿನ ಅವರ ಒಡನಾಟದ ಕುರಿತು, ‘ನಾನು ಹಿಂದೂ ಎನ್ನಲು ಹೆಮ್ಮೆಪಡುತ್ತೇನೆ ಮತ್ತು ನನ್ನನ್ನು ಹೀಗೆ ಬೆಳೆಸಿದ್ದೇನೆ. ನನ್ನನ್ನು ಹೀಗೆ ಬೆಳೆಸಿದ್ದಾರೆ. ನಾನು ಹೀಗೇ ಇರುವುದು. ಮುಂದಿನ ಕೆಲವು ದಿನಗಳಲ್ಲಿ ನಾನು ಇಲ್ಲಿನ ದೇವಸ್ಥಾನಕ್ಕೆ ಭೇಟಿ ನೀಡುವ ಸಾಧ್ಯತೆ ಇದೆ ಎಂದಿದ್ದಾರೆ.

ದೇವಸ್ಥಾನಕ್ಕೆ ಹೋಗಿ ಜನ್ಮಾಷ್ಟಮಿ ಆಚರಣೆ

ಮತ್ತಷ್ಟು ಮಾತನಾಡಿದ ಅವರು, ‘ರಕ್ಷಾ ಬಂಧನ ಕಳೆದಿದೆ, ಹಾಗಾಗಿ ನನ್ನ ಸಹೋದರಿ ಮತ್ತು ಸೋದರ ಸಂಬಂಧಿಗಳಿಂದ ರಾಖಿ ಕಟ್ಟಿದ್ದಾರೆ. ಹಿಂದಿನ ದಿನ ಜನ್ಮಾಷ್ಟಮಿಯನ್ನು ಸರಿಯಾಗಿ ಆಚರಿಸಲು ಸಮಯವಿರಲಿಲ್ಲ. ಆದರೆ ಈ ಬಾರಿ ದೇವಸ್ಥಾನಕ್ಕೆ ಹೋದರೆ ಅದನ್ನು ಸರಿದೂಗಿಸಬಹುದು ಎಂದು ನಾನು ಭಾವಿಸುತ್ತೇನೆ ಎಂದಿದ್ದಾರೆ. ನಂಬಿಕೆಯು ನನ್ನ ಜೀವನದಲ್ಲಿ ಬಹಳ ಮಹತ್ವ ಪಡೆದಿದೆ. ನಂಬುವ ಪ್ರತಿಯೊಬ್ಬ ವ್ಯಕ್ತಿಗೆ ಇದರಿಂದ ಸಹಾಯವಾಗುತ್ತದೆ ಎಂದು ನಾನು ಭಾವಿಸುತ್ತೇನೆ, ವಿಶೇಷವಾಗಿ ನೀವು ನನ್ನಂತಹ ಒತ್ತಡದ ಕೆಲಸವನ್ನು ಹೊಂದಿರುವಾಗ, ನಂಬಿಕೆಯು ನಿಮಗೆ ಭರವಸೆ ನೀಡುತ್ತದೆ, ನಿಮಗೆ ಶಕ್ತಿಯನ್ನು ನೀಡುತ್ತದೆ ಮತ್ತು ಇದು ಅವಶ್ಯಕವಾಗಿದೆ ಎಂದಿದ್ದಾರೆ.

ಪ್ರಧಾನಿ ಮೋದಿಯವರ ಬಗ್ಗೆ ಅಪಾರ ಗೌರವವಿದೆ: ಸುನಕ್

ಪ್ರಧಾನಿ ನರೇಂದ್ರ ಮೋದಿ ಅವರೊಂದಿಗಿನ ಸಂಬಂಧದ ಕುರಿತು, ಮಾತನಾಡಿದ ಬ್ರಿಟನ್ ಪ್ರಧಾನಿ ರಿಷಿ ಸುನಕ್ ಪ್ರಧಾನಿ ಮೋದಿಯವರ ಬಗ್ಗೆ ನನಗೆ ತುಂಬಾ ಗೌರವವಿದೆ. ಅವರು ನನ್ನ ಬಗ್ಗೆ ಸಾಕಷ್ಟು ಪ್ರೀತಿಯನ್ನು ಹೊಂದಿರುವುದಾಗಿ ಹೇಳಿದ್ದಾರೆ. ಭಾರತ ಮತ್ತು ಯುನೈಟೆಡ್ ಕಿಂಗ್‌ಡಮ್ ನಡುವೆ ಮಹತ್ವಾಕಾಂಕ್ಷೆಯ ಮತ್ತು ಸಮಗ್ರ ವ್ಯಾಪಾರ ಒಪ್ಪಂದವನ್ನು ಪೂರ್ಣಗೊಳಿಸಲು ನಾವು ತುಂಬಾ ಶ್ರಮಿಸುತ್ತಿದ್ದೇವೆ. ಇದು ಸೂಕ್ತ ಎಂಬುವುದು ನಮ್ಮ ಭಾವನೆ ಎಂದಿದ್ದಾರೆ.